𝐍𝐄𝐌𝐒𝐔 𝐅𝐨𝐥𝐤𝐥𝐞𝐫𝐬, 𝐤𝐚𝐦𝐩𝐞𝐨𝐧 𝐬𝐚 𝐢𝐬𝐢𝐧𝐚𝐠𝐚𝐰𝐚𝐧𝐠 𝐩𝐚𝐭𝐢𝐦𝐩𝐚𝐥𝐚𝐤 𝐧𝐠 𝐏𝐚𝐧𝐠𝐤𝐮𝐥𝐭𝐮𝐫𝐚𝐧𝐠 𝐒𝐚𝐲𝐚𝐰

Wagi ang North Eastern Mindanao State University Folkers ng Tandag kampus sa katatapos lamang na kompetisyon sa Pangkulturang Sayaw laban sa labing apat na kalahok na ginanap sa Robinsons Place, syudad ng Butuan.

Ito ay ilan sa mga gawaing patimpalak sa ika-56 na anibersaryo ng pagkakatatag ng ASEAN sa pangunguna ng Komisyon sa Mas Mataas na Edukasyon, Rehiyon ng Caraga.

Nakamit ng NEMSU Folklers ang unang gantimpala dahil sa sayaw na pinamagatang “La Jota Quirino”, mula sa lalawigan ng Quirino na kilala pa noong ika-19 na siglo sa pamamagitan ng mananayaw na mga mag-aaral na sina John Lino Pedroso, Ma. Jane Galos, Harvie Cruiz, Nicole Macaylas, Von Del Valle, Nhoylen Comiling, Jeann Melo at Greg Michael Baguio na mga miyembro ng Malisto Dance Troupe.

Nakuha rin ng Agusan del Sur State College of Agriculture and Technology (ASSCAT) ang ikalawang gantimpala at sinundan ng Saint Francis Xavier College bilang ikatlo. Samantala, nagpasalamat ang mga tagapagsanay ng NEMSU Folklers sa likod ng kanilang pagkapanalo na sina Castor V. Balacuit, Jr. at Shyla O. Moreno.

“We are so immensely thankful for the NEMSU administration for the full support,” aniya nila.

Sa huli, ang kanilang tagumpay ay magiging alas ng kanilang koponan para sa darating na Local MASTS 2023.

𝘜𝘭𝘢𝘵 𝘯𝘪 𝘑𝘰𝘴𝘦𝘭𝘪𝘵𝘰 𝘙. 𝘈𝘣𝘢𝘴𝘰𝘭𝘰
𝘓𝘢𝘳𝘢𝘸𝘢𝘯 𝘯𝘪 𝘔𝘳. 𝘊𝘢𝘴𝘵𝘰𝘳 𝘝. 𝘉𝘢𝘭𝘢𝘤𝘶𝘪𝘵 𝘑𝘳

#TheVanguardPublication